हाम्रो भूगोल, इतिहास, समाज, संस्कृति, शासन पद्धति र सञ्चारजस्ता विविध विषयमा द्रष्टा र स्रष्टा भई मोहन मैनालीले यस पुस्तकमा कलम चलाएका छन् । विषयको आयामिक आयतन, भाषिक सघनता एवम् सरलता र शैलीगत विशिष्टता नै देखेको देशका विशेषता हुन् ।  

अनाहकमा किशोर छोरा मारिएपछि गोरखाको एक किसान परिवारले न्याय खोज्दा पाएको सास्ती केवल एक व्यक्ति र परिवारमाथिको अत्याचारमात्र नभएर मुलुक सशस्त्र सङ्घर्षमा होमिएका बेला असङ्ख्य नेपालीले पाएको पीडाको एउटा दृष्टान्त हो । सामान्य पारिवारिक कलहले राजनीतिक आवरणमा निम्त्याएको हिंसा र एउटी आमाको सुन्दर संसार उजाडिएपछि पीडाका अश्रुधाराले खोपेको मर्मान्त कथा थाहा पाउन मात्रै होइन, आम नागरिक र हरेक पुस्ताले यो देशको न्यायिक अवस्था बुझ्न गङ्गामायाको आत्मकथा गतिलो अभिलेख हुनेछ ।

कुमार नगरकोटीको सर्रियल उपन्यासिका भूमिगत च्याम्बरको पुड्के बुक–सेल्फमा व्रmमैसँग देख्न सकिन्छ, मुमुक्षा ताम्राकारको डायरी, स्वप्नदर्शीको को क्यामेरा, ट्राइपड, रौँको बट्टा, एक मुठा डे«डलक्स, ढाडमा ज्ञ कुँदिएको काठको कलात्मक सिग्रेट–केस को नीलो किताब । ...र कफी–टेबलको एस–टेमा किचिमिची परेका सातवटा ब्ल्याक ज्ञ का ठुटाहरू...