समय त्रासदी

समयको वर्तमान सापेक्षमा व्यक्ति, समाज, विश्वका अहम्जन्य स्वरूपहरू उदघाटित गर्ने क्रममा यो उपन्यासले जन्मधारण गरेको हो । विश्व अहम्हरूको खेलभूमि हो, जहाँ जित्नुपर्ने अहम्हरूले सधैं जित्दैनन् र हार्नुपर्ने अहमहरूले सधैं हार्दैनन् । मेरो दृष्टिमा प्रेम मानवजातिको सर्वश्रेष्ठ अहङ्कार हो भने घृणा मानवजातिको निकृष्ट अहङ्कार हो । समकालीन विश्व यही निकृष्ट अहङ्कार 'घृणाहमोन्मुख' छ । समय त्रासदी त्यही घृणाहमोन्मुख विश्व मानवीयताको त्रासदीगाथा हो । यो त्रासदगाथा वर्णन गर्दा मैले यही अहम् कामना गरेको थिएँ- मानवजातिले यस्तो त्रासदी देख्न नपरोस्, भोग्न नपरोस्..! - सरूभक्त